Home| War soo dir| Contact Us|  

Adebayor oo Arsenal ka dalbaday in mushaarkiisa la gaarsiiyo £80,000 usbuucii,haddii ay doonayaan in aan la sii joogo.

  arrintan ayaa waxaa laga yaabaa in buuq ku dhaliso kooxda Arsenal kulanka ugu dambeeya ee horyaalka Ingiriiska oo maalinnimada Axada ah la yeelan doonaan kooxda Sunderland, laakin wakiilka ciyaaaryahanka ninka lagu magacaabo Stephane Coubis aya yiri: Ma ahan hadda waqtigii laga hadli lahaa qandaraaskiisa, waxaan sugaynaa ilaa isbuuca dambey.

Maradona oo sheegey in uu si weyn ula dhacay kabtanka Kooxda Juventus Delpiero.

Diego Maradona oo ahaa mucjisadii kubadda cagta ayaa u sheegey tababaraha xulka qaranka Talyaaniga in uu xulkiisa ciyaaraaya Euro 2008 ku darsado kabtanka kooxda Juventus Alessandro Delpiero, Maradona ayaa yiri:

 mar walba waan la dhacsanaa Delpiero, haddii aan tababare ahaan lahaana mar walba waxa uu ku jiri lahaa kooxdeyda, Itaaliyana waa in ay Delpiero u wadataa Euros-ka si ay guul uga soo gaarto, Maradona waxaa kaloo wax laga weydiiyay weeraryahanka kooxda AC Milan iyo Sampdoria Antonio Cassano, wuxuuna yiri: waa ciyaaryahano aan caadi aheyn, waxa ay ay noloshooda qaaska ah sameeyaan ayaga ayay quseysaa, qof si dhab ah

 ma u maxkamdeyn karo nolosha qaaska ayuu yiri xidigii weynaa ee kubadda cagta Diego Armanda Maradona.

Franka Rijkard oo ka tagaaya kooxda Barcelona .

Tababaraha naadiga Barcelona Frank Rijkard ayaa waxaa lagu badalayaa laacibkii hore ee kooxda Barcelona Josep Gurdiola dhamaadka xilli ciyaareedkan, sida uu caddeeyay milkiilaha naaidgaasi Juan Laporta, go'aankan uu Laporta ku dhawaaqay ayaa yimid kagdaal markii laba maalmood ka hor ay awood sheegatay kooxda Barvelona kooxda hadda loo caleemo saaray in tahay horyaalka dalka Spain Real Madrid. Gurdiola oo horey u ahaa ciyaaryahan ka tirsan kooxda Barcelona ayaa waxaa si caadi ah loogu badali doonaa Rijkard 30 Juun ee sanadkan, warkaasna waxaa lagu xaqiijiyay warsaxafadeed lagu qorey website-ka gaarka ah ee kooxda Barcelona kaasoo u dhignaa sida tan: kulan ay isugu yimaadeen masu'liyiinta sar sare ee kooxda Barcelona ayaa waxaa lagu cadeeyay in madaxweyne Laporta uu ku dhawaaqay tababaraha kooxda barcelona ninka lagu magacaabo Rijkard dhamaadka xilli ciyaareedkan. Franka Rijkard waxa uu joojin doonaa shaqadiisa tababarenimo ee kooxda Barcelona 30-ka Juun markaasoo lagu badalaayo Josep Gurdiola, Barcelona ay dhaxalsiisay guuldaradii ay kala kulmeen kooxda Real Madrid in ay waayaan kaalinta labaad ee horyaalka iyadoo ay horyaalka ka harsanyihiin laba kulan oo ay lakala ciyaareyso kooxda Real Mallorca oo ay gurigeeda kula ciyaareyso iyo kooxda Real Murcia oo ay u safri doonto.

Berlusconi oo ku dhawaaqay in uu iska casilay xilkii uu ka haayay kooxda AC Milan.

Silvio Berlusconi ayaa si caadi ugu dhawaaqay in uu iska casilay xilkii uu ka haayay kooxda AC Milan ee reer Talyaani, Berlusconi oo shalay galab loo dhaariyay in uu noqdo ra'iisal wadaraha cusub ee dalka Talyaaniga taasoo ku qasbaysa in uusan sii heyn karin xilkii uu ka haayay kooxda AC Milan, isagoo la hadlaaya website-ka gaarka ah ee kooxda AC Milan Berlusconi ayaa yiri: markii uu iga aqbalay madaxweynaha dalka Talyaaniga in aan hoggaamiyo golaha wasiirada dalkan sharciga ayaa igu qasbay in aan iska casilo shaqsiyadii Isboortiga, Berlusconi waxa uu qabtay hogganka kooxda AC Milan February 1986-dii isagoona sababo tan la mid ah uga dagey xilkaasi December 2004-ta, wuxuuna dib ugu soo laabtay kooxda AC Milan Juun 2006-da. Berlusconi intii uu la joogey kooxda AC Milan waxa uu kula guuleystey 7 mar horyaalka serei A-da dalka Talyaaniga, shan koob oo Yurub ah, shan jeer oo ah super Cup-ka Talyaaniga iyo kan Yurub, iyo Coppa Italia.

By: Abdifatah Mohamed Abdurahman Mursal(biyoonde)

E-mail: biyoonde8@hotmail.com

Qaahira .... Masar